Laos-Japan Institute

ສະຖາບັນລາວ-ຍີ່ປຸ່ນ | ラオス日本センター

Details
Category: NEWS
Hits: 632

ສະຖາບັນພັດທະນາຊັບພະຍາກອນມະນຸດ ລາວ-ຍີ່ປຸ່ນ (ສລຍ) ໄດ້​ຈັດ​ຕັ້ງ​ພິ​ທີ​ສະຫຼຸບ​ສົກຮຽນ 2023-2024, ເປີດສົກຮຽນໃໝ່ 2024-2025

..............................................................................

ສະຖາບັນພັດທະນາຊັບພະຍາກອນມະນຸດ ລາວ-ຍີ່ປຸ່ນ (ສລຍ) ມະຫາວິທະຍາໄລແຫ່ງຊາດ (ມຊ) ໄດ້ຈັດພິທີສະຫຼຸບສົກສຶກສາ 2023-2024, ເປີດສົກຮຽນໃໝ່ 2024-2025 ແລະ ມອບ-ຮັບໃບປະກາສະນີຍະບັດໃຫ້ຜູ້ສໍາເລັດການສຶກສາ  ປະຈຳປີ 2023-2024 ໃນວັນທີ 28 ຕຸລາ 2024 ທີ່ສະຖາບັນລາວ-ຍີ່ປຸ່ນ ໂດຍການເຂົ້າຮ່ວມເປັນປະທານຂອງ ທ່ານ ຮສ. ປອ. ເດຊານຸລາດ ແສນດວງເດດ ວ່າການແທນອະທິການບໍດີ ມຊ, ແລະ ຄະນະIMG 9390ອຳນວຍການ, ຄະນະບໍດີ, ຮອງຄະນະບໍດີ, ຫົວໜ້າຫ້ອງການທີ່ກຽ່ວຂ້ອງ ພ້ອມດ້ວຍ ຄູ-ອາຈານ, ນັກສຶກສາເຂົ້າຮ່ວມ.

ທ່ານ ປອ. ພອນແກ້ວ ຈັນທະມາລີ ຜູ້ອຳນວຍການສະຖາບັນ ລາວ- ຍີ່ປຸ່ນ ໄດ້ຜ່ານບົດສະຫຼຸບການຈັດຕັ້ງປະຕິບັດແຜນການສົກປີ 2023-2024 ແລະ ທິດທາງແຜນການ ສົກປີ 2024-2025: ສະຖາບັນລາວ-ຍີ່ປຸ່ນສືບຕໍປະຕິວຽກງານຕາມພາລະບົດບາດ ແລະ ວິໃສທັດ: ພັດທະນາຊັບພະຍາກອນມະນຸດ ໂດຍສະເພາະສົ່ງເສີມທາງດ້ານທຸລະກິດໃຫ້ມີຄວາມຍືນຍົງ ແລະ ຄອດຄອງກັບຄວາມຕ້ອງການຂອງສັງຄົມ. ພະນັກງານ, ຄູ-ອາຈານ ຕັ້ງໜ້າພັດທະນາຕົນເອງ ປະກອບສ່ວນທຸກການເຄື່ອນໄຫວວຽກງານໃຫ້ສຳເລັດຜົນ ຊຶ່ງສະແດງອອກເຊັ່ນ:  ຄູ-ອາຈານ ໄດ້ມີຜົນງານໃນການສອນດີ-ສອນເກັ່ງ ແລະ ນັກສຶກສາໄດ້ມີຜົນງານການຮຽນເກັ່ງ.

ໃນດ້ານວິຊາການ: ສລຍ ມີທັງການຮຽນ-ການສອນ ທີ່ມີທັງການໃຫ້ວຸດທິການສຶກສາ (Degree) ແລະ ການຝຶກອົບຮົມຕາມຄວາມຕ້ອງການໂດຍໄດ້ຮັບການຮ່ວມມືຈາກອົງການໄຈກາ ແລະ ມູນນິທິຍີ່ປຸ່ນ ເຊັ່ນ: ຫຼັກສູດປະລິນຍາໂທ ສາຂາບໍລິຫານທຸລະກິດ, ຫຼັກສູດພາສາຍີ່ປຸ່ນ,  ຫຼັກສູດການຝຶກອົບຮົມທຸລະກິດປະເພດຕ່າງໆ, ວຽກງານຄົ້ນຄວ້າວິທະຍາສາດ ແລະ ວຽກງານສົ່ງເສີມການແລກປຽ່ນກິດຈະກຳ-ວັດທະນະທຳ. 

          ນອກຈາກນີ້ ສະຖາບັນຍັງໄດ້ເພີ່ມທະວີການຮ່ວມມືກັບພາຍນອກ  ແລະ ອົງກອນຈັດຕັ້ງສາກົນ ແລະ ຍັງເປັນຕົວແທນ, ເປັນກອງເລຂາ, ເປັນຜູ້ປະສານງານໃນການຈັດຕັ້ງປະຕິບັດໂຄງການຕ່າງໆເຊັ່ນ: ໂຄງການລາງວັນ Honda YES Award ສຳລັບນັກວິທະຍາສາດ ແລະ ວິສະວະກອນໜຸ່ມ, ເປັນເຈົ້າການໃນການຄັດເລືອກ ຜູ້ໄດ້ຮັບທຶນການສຶກສາຂອງ Mitsubishi,ຈັດການຄັດເລືອກ ແລະ ສອບເສັງເອົານັກຮຽນເພື່ອໄປຝຶກອົບຮົມໄລຍະຍາວກັບ ມະຫາວິທະຍາ ກະກຶຊູອິງ ຍີ່ປຸ່ນ,ຈັດການເຜີຍແຜ່ ສະພາບການເຮັດວຽກຢູ່ໃນປະເທດຍີ່ປຸ່ນ ແລະ ຮ່ວມມືກັບ ມະຫາວິທະຍາໄລ ໂອກະຢະມະ ຫຼື OJEIC ເຜີຍແຜ່ການໄປສຶກສາທີ່ປະເທດຍີ່ປຸ່ນ.

ໃນສົກຮຽນ 2023-2024 ມີນັກສຶກສາ ປາລິນຍາໂທ ສາຂາບໍລິຫານທຸລະກິດຮຸ່ນທີ 15 ໄດ້ສໍາເລັດການສຶກສາທັງໝົດ 21 ຄົນ ຍິງ 11 ຄົນ; ແລະ ໄດ້ຮັບກຽດນິຍົມ 1 ຄົນ ຍິງ 1 ຄົນ; ມີນັກສຶກສາໄດ້ຮັບການຍ້ອງຍໍຈາກ ສລຍ ໃນຜົນງານຮຽນດີ-ຮຽນເກັ່ງຈຳນວນ12 ຄົນ.

Details
Category: NEWS
Hits: 574
ພະທີມອບ-ຮັບລາງວັນ Y-E-S Award 2024 (Honda Young Engineer and Scientist's Award in Laos) ທີ່ ສະຖາບັນພັດທະນາຊັບພະຍາກອນມະນຸດ ລາວ-ຍີ່ປຸ່ນ
.................................................................
ໃນວັນທີ 16/10/2024 ໄດ້ຈັດງານມອບລາງວັນ Honda ປະຈຳປີ 2024 ທີ່ສະຖາບັນພັດທະນາຊັບພະຍາກອນມະນຸດ ລາວ-ຍີ່ປຸ່ນ (ມະຫາວິທະຍາໄລແຫ່ງຊາດ). ໃຫ້ກຽດເຂົ້າຮ່ວມງານໃນຄັ້ງນີ້ໂດຍ ທ່ານ ຮສ. ປອ. ເດຊານຸລາດ ແສນດວງເດດ ວ່າການແທນອະທິການບໍດີ ມະຫາວິທະຍາໄລແຫ່ງຊາດ ພ້ອມດ້ວຍ ພະນະທ່ານ KOIZUMI Tsutomu ເອກອັກຄະຣາຊທູດຍີ່ປຸ່ນ ປະຈຳ ສປປ ລາວ ແລະ ທ່ານ Akira KOJIMA ຜູ້ອໍານວຍການ, ຄະນະກຳມາທິການສາກົນ ມູນນິທິຮອນດາ ປະເທດຍີ່ປຸ່ນ ນອກຈາກນີ້ຍັງມີບັນດາ ທ່ານ ຜູ້ຕາງໜ້າຈາກ ກົມກິດຈະການນັກສຶກສາ, ກະຊວງສຶກສາທິການ ແລະ ກິລາ, ທ່ານ ປອ ພອນແກ້ວ ຈັນທະມາລີ ຜູ້ອຳນວຍການສະຖາບັນ ລາວ-ຍີ່ປຸ່ນ ພ້ອມດ້ວຍບັນດາແຂກທີ່ກ່ຽວຂ້ອງ ທັງຝ່າຍລາວ ແລະ ຝ່າຍຍີ່ປຸ່ນ, ບັນດາຄູ-ອາຈານ ແລະ ນັກສຶກສາຂອງທັງ 4 ຄະນະວິຊາ (ຄະນະວິທະຍາສາດທຳມະຊາດ, ຄະນະວິສະວະກຳສາດ, ຄະນະຊັບພະຍາກອນນໍ້າ, ຄະນະສະຸຖາັປດ, ມະຫາວິທະຍາໄລແຫ່ງຊາດ ).
ມຸນນິທິຮອນດາຮ່ວມກັບສະຖາບັນລາວ-ຍີ່ປຸ່ນໄດ້ດຳເນີນໂຄງການລາງວັນຮອນດາໃນປີ 2008 ໂຄງການດັ່ງກ່າວເພື່ອແນໃສ່ພັດທະນາ ແລະ ສະໜັບສະໜູນນັກວິທະຍາສາດ ແລະ ວິສະວະກອນໜຸ່ມ ໃຫ້ນຳໜ້າທາງດ້ານເຕັກໂນໂລຍີ, ນະວັດຕະກຳ ແລະ ສິ່ງແວດລ້ອມ ກຽມພ້ອມທີ່ຈະສືບທອດກາຍເປັນຜູ້ນຳໃນອານາຄົດ. ເພື່ອໃຫ້ນັກສຶກສາໄດ້ປະກອບສ່ວນຊຸກຍູ້ໃນການພັດທະນາການສຶກສາ ແລະປູກຈິດສຳນຶກໃຫ້ໄວຊາວໜຸ່ມມີວິໄສທັດກວ້າງໄກ, ມີແນວຄິດສ້າງສັນ ອົດທົນຜ່ານຜ່າບັນດາຂໍ້ຫຍຸ້ງຍາກ ພ້ອມຊອກຫາວິທີແກ້ໄຂບັນຫາຕ່າງທີ່ເກີດຂື້ນ ແລະ ຮຽນຮູ້ຢ່າງຕໍ່ເນື່ອງ ໃຫ້ກາຍເປັນບຸກຄະລາກອນທີ່ດີເດັ່ນ ແລະ ພ້ອມທີ່ຈະນຳເອົາຄວາມຮູ້ຄວາມສາມາດ ແລະ ປະສົບການເພື່ອປະກອບສ່ວນເຂົ້າໃນການການພັດທະນາຊຸມຊົນແບບຍືນຍົງ ແລະ ພັດທະນາເສດຖະກິດ-ສັງຄົມຂອງ ສປປ ລາວ.
ນັກສຶກສາທີໄດ້ຮັບລາງວັນຊະນະເລີດປະຈຳປີ 2024 ນາງ ສີຣິທິດາ ພຸດທະຈັກ (ຈາກ ພາກວິຊາ ວິສະວກຳເຄມີ ຄະນະວິສະວະກຳສາດ) ແລະ ນາງ ສຸພາພອນ ທຳມະວົງສາ (ຈາກ ພາກວິຊາ ວິສະວະກຳສິ່ງແວດລ້ອມ ຄະນະວິສະວະກຳສາດ ) ລາງວັນທີ່ໄດ້ຮັບປະກອບມີ ຫຼຽນຊະນະເລີດຈາກມູນນິທິຮອນດາ, ໃບຢັ້ງຢືນ ພ້ອມດ້ວຍເງິນສົດ ລາງວັນລະ 3,000 ໂດລາ.hoda

Details
Category: NEWS
Hits: 500
ສະຖາບັນພັດທະນາຊັບພະຍາກອນມະນຸດ ລາວ-ຍີ່ປຸນ ເປັນກຽດທີ່ໄດ້ຕ້ອນຮັບຄະນະຜູ້ແທນຈາກທະບວງຕຳຫຼວດແຫ່ງຊາດ ປະເທດຍີ່ປຸ່ນ.
-----
ໃນວັນທີ 30 ສິງຫາ 2024 ນີ້, ສະຖາບັນພັດທະນາຊັບພະຍາກອນມະນຸດ ລາວ-ຍີ່ປຸ່ນ ມະຫາວິທະຍາໄລແຫ່ງຊາດ ມີຄວາມຍິນດີ ແລະ ເປັນກຽດທີ່ໄດ້ຕ້ອນຮັບ ພະນະ ທ່ານ KUSUNOKI Yoshinobu ຮອງລັດຖະມົນຕີ ທະບວງຕຳຫຼວດແຫ່ງຊາດ ປະເທດຍີ່ປຸ່ນ ພ້ອມດ້ວຍຄະນະ, ເຊິ່ງໃຫ້ກຽດຕ້ອນຮັບການມາຢຽ້ມຢາມ ແລະ ພົບປະ ໃນຄັ້ງນີ້ ໂດຍ ທ່ານ ປອ.ເດຊານຸລາດ ແສນດວງເດດ ວ່າການແທນອະທິການບໍດີ, ມະຫາວິທະຍາໄລແຫ່ງຊາດ (ມຊ) ພອ້ມດ້ວຍຄະນະນຳ ສະຖາບັນລາວ-ຍີ່ປຸ່ນ (ສລຍ), ທ່ານ ປອ. ພອນແກ້ວ ຈັນທະມາລີ ຜູ້ອຳນວຍການ ສລຍ ແລະ ທ່ານ Yoshiharu YONEYAMA ທີ່ປຶກສາໂຄງການ. ການຢ້ຽມຢາມໃນຄັ້ງນີ້ແມ່ນເພື່ອການສົ່ງເສີມຄວາມເຂົ້າໃຈກ່ຽວກັບການຮ່ວມມືທາງດ້ານວິຊາການ ແລະ ການແລກປ່ຽນ ຂອງໂຄງການ JICA ໃນການພັດທະນາຊັບພະຍາກອນມະນຸດຢູ່ ສປປ ລາວ.
 Untitled

Details
Category: NEWS
Hits: 1040
ສະບາຍດີທຸກຄົນ
ວັນທີ27ເດືອນນີ້ພວກເຮົາມີງານແລກປ່ຽນກັບມະຫາໄລຍີ່ປຸ່ນເຊີນຊວນນ້ອງໆເຂົ້າມາຮ່ວມນໍາກັນເດີ
r1

Details
Category: NEWS
Hits: 476
ພາບບັນຍາກາດການສອບເສັງຄັດເລືອກເອົານັກສຶກສາໃນໂຄງການລາງວັນຮອນດາ Y-E-S Award 2024 (Honda young engineer and scientist's award in Laos) ທີ່ ສະຖາບັນພັດທະນາຊັບພະຍາກອນມະນຸດ ລາວ-ຍີ່ປຸ່ນ ໃນຕອນເຊົ້າວັນທີ 21 ສິງຫາ 2024
------------------------------------------------------------------------------
ສະຖາບັນພັດທະນາຊັບພະຍາກອນມະນຸດ ລາວ-ຍີ່ປຸ່ນ ເຊິ່ງເປັນຕົວແທນຂອງຫອ້ງການບໍລິຫານໂຄງການ ຮອນດາ ໄດ້ຈັດຕັ້ງການສອບເສັງຮອບສຳພາດໃຫ້ນັກສຶກສາທີ່ຜ່ານການຄັດເລືອກຈຳນວນ 10 ຄົນ ແລະ ຄັດເລືອກເອົາ 2 ຄົນ ເຂົ້າຮັບລາງວັນຊະນະເລີດ ຈະໄດ້ຮັບຫຼຽນຮອນດາ, ໃບຢັ້ງຢືນ ພ້ອມດ້ວຍເງິນສົດ 3,000 ໂດລາ.
ການສອບເສັງຄັດເລືອກໃນຄັ້ງນີ້ໃຫ້ກຽດເປັນປະທານ ໂດຍ ທ່ານ ຮສ. ປອ ເດຊານຸລາດ ແສນດວງເດດ ຮັກສາການແທນ ອະທິການບໍດີ ມະຫາວິທະຍາໄລແຫ່ງຊາດ ແລະ ເປັນຄະນະກຳມະການຮ່ວມ ໂດຍ ທ່ານ ສາດສະດາຈານ Takeo ARIMOTO ຜູ້ອຳນວຍການມູນນິທິຮອນດາ, ທ່ານ ຈັນຄະຈອນ ສອນມະນີວົງ, ຮອງຄະນະບໍດີ ຄະນະວິສະວະກຳສາດ, ທ່ານ ປອ. ອຸ່ນລາ ສີວັນເພັງ, ຄະນະບໍດີ ຄະນະຊັບພະຍາກອນນ້ຳ ແລະ ທ່ານ ປອ. ພອນແກ້ວ ຈັນທະມາລີ, ຜູ້ອຳນວຍການສະຖາບັນ ລາວ- ຍີ່ປຸ່ນ. ໃນການສອບເສັງດັ່ງກ່າວນັກສຶກສາແມ່ນມີຄວາມເອົາໃຈໃສ່, ຕັ້ງໃຈ ແລະ ຮ່ວມແລກປ່ຽນ ຖາມ-ຕອບ ດ້ວຍຄວາມຈິງໃຈ.ດ້າຮອນດ້າ
  1. ປີດຮັບສະຫມັກ ນັກສຶກສາປະລິນຍາໂທ ຊຸດທີ 17
  2. ກອງປະຊຸມຄັ້ງທີ 1, ວຽກງານຄະນະປະສານງານໂຄງການ
  3. ງານພົບປະແລກປ່ຽນ ເພື່ອຂະຫຍາຍເຄືອຂ່າຍທຸລະກິດ ລາວ-ຍີ່ປຸ່ນ
  4. LJI SUSU Scale-up Batch 2 ເລື່ອນມື້ປິດຮັບສະໝັກ
ສະຖາບັນລາວ-ຍີ່ປຸ່ນ

ສະຫງວນລິຂະສິດ ©2022 ໂດຍ LJI-IT.