ພິທິປິດຫຼັກສູດຝຶກອົບຮົມຜູ້ບໍລິຫານລະດັບສູງຂອງບໍລິສັດ ລຸ້ນທີ 4 ແລະ 5 ຈັດຂຶ້ນໃນຕອນບ່າຍຂອງວັນທີ 22/6/2022 ທີ່ຫ້ອງປະຊຸມໃຫຍ່ຂອງສະຖາບັນລາວ-ຍີ່ປຸ່ນ.

ນັກສໍາມະກອນຈາກທັງ 2 ລຸ້ນເຂົ້າຮ່ວມເພື່ອຮັບໃບຢັ້ງຢືນ ຫຼັງຈາກທີ່ຜ່ານການຮຽນຮູ້ນໍາຊ່ຽວຊານຍີ່ປຸ່ນມາເປັນເວລາ 6 ເດືອນ. 

ພາຍໃນງານທ່ານ ປອ. ພອນແກ້ວ ຈັນທະມາລີໄດ້ຂຶ້ນກ່າວຊົມເຊີຍ ແລະ ຂອບໃຈນັກສໍາມະກອນທຸກຄົນທີ່ຕັ້ງໃຈ ແລະ ອົດທົນເຂົ້າຮ່ວມຈົນຈົບຫຼັກສູດ ພ້ອມທັງຂໍໃຫ້ນັກສໍາມະນາກອນນໍາເອົາບົດຮຽນທີ່ໄດ້ໄປພັດທະນາບໍລິສັດຂອງເຂົາເຈົ້າໃຫ້ຈະເລີນເຕີບໂຕທຽບເທົ່າກັບສາກົນ.

ທ່ານ ເມກມະໂນ, ຜູ້ອໍານວຍການບໍລິສັດຄີນແອນກຣີນ ທັງເປັນອະດີດນັກສໍາມະນາກອນ ລຸ້ນທີ 1 ໄດ້ຂຶ້ນແບ່ງປັນປະສົບການທັງໃນເວລາທີ່ກໍາລັງຝຶກອົບຮົມໃນຫຼັກສູດ ແລະ ການນໍາເອົາບົດຮຽນໄປປັບປຸງການດໍາເນີນງານຂອງບໍລິສັດ. ເຊິ່ງໂດຍລວມແລ້ວເພິ່ນໄດ້ແນະນໍາວ່າ "ການປ່ຽນແປງທັດທະສະນະຄະຕິ (mindset) ໃຫ້ຄືກັບຄົນຍີ່ປຸ່ນແມ່ນສິ່ງທີ່ຈໍາເປັນ ແລະ ຄວນເຮັດ ເພາະພື້ນຖານການພັດທະນາຂອງປະເທດຍີ່ປຸ່ນແມ່ນມາຈາກຄົນພາຍໃນຊາດມີທັດສະນະຄະຕິ ແລະ ເປົ້າໝາຍໃນການສ້າງຊາດທີ່ເປັນອັນໜຶ່ງອັນດຽວກັນ"