ບໍລິການຕ່າງໆໃນ ສລຍ
ຫ້ອງສະໝຸດ
ທີ່ຫ້ອງສະໝຸດສະຖາບັນລາວ-ຍີ່ປຸ່ນ (LJI), ທ່ານສາມາດຊອກຫາປຶ້ມ, ໜັງສືພິມ ແລະ ວາລະສານໄດ້ຫຼາຍກວ່າ 10,000 ຫົວ.
ພວກເຮົາມີໜັງສືກາຕູນຍີ່ປຸ່ນ (Manga) ແລະ ສິ່ງພິມຕ່າງໆຢ່າງຫຼວງຫຼາຍ ເຊິ່ງເປັນສະຖານທີ່ທີ່ດີເລີດສຳລັບການຮຽນຮູ້ ແລະ ການພັກຜ່ອນ.
ໂມງເປີດ-ປິດ: ວັນຈັນ ຫາ ວັນສຸກ, ເວລາ 8:30 – 16:00 (ປິດພັກທ່ຽງ ແຕ່ເວລາ 12:00 – 13:30)
ຮ້ານອາຫານ ແລະ ກາເຟປ່າ
Kafepa’ ເປັນຮ້ານຄາເຟ່ທີ່ຕັ້ງຢູ່ພາຍໃນສູນວັດທະນະທຳລາວ-ຍີ່ປຸ່ນ (LJI).
ພວກເຮົາບໍລິການກາເຟປອດສານພິດຂອງລາວທີ່ປູກດ້ວຍ “ວິທີກະສິກໍາປ່າໄມ້” ເຊິ່ງມີຄວາມກົມກຽວກັບທໍາມະຊາດ. ກາເຟພິເສດນີ້ແມ່ນຜະລິດຢ່າງພິຖີພິຖັນໂດຍບໍລິສັດ ເມີຈຽນ (Mergion) ສໍາລັບຄົນຮັກກາເຟຢ່າງແທ້ຈິງ.
ທ່ານຍັງສາມາດເພີດເພີນກັບອາຫານຍີ່ປຸ່ນ, ໄອສະກຣີມ ແລະ ເຄື່ອງດື່ມຕ່າງໆໃນພື້ນທີ່ທີ່ສະດວກສະບາຍ.
ພວກເຮົາຍິນດີຕ້ອນຮັບທ່ານໃຫ້ແວ່ເຂົ້າມາໄດ້ໃນເວລາທີ່ທ່ານມາຢ້ຽມຢາມ LJI.
ພື້ນທີ່ວາງສະແດງ
ສະຖານທີ່ວາງສະແດງ (Exhibition Corner) ທີ່ຕັ້ງຢູ່ບໍລິເວນທາງເຂົ້າຂອງສະຖາບັນລາວ-ຍີ່ປຸ່ນ (LJI) ແມ່ນພື້ນທີ່ສ້າງໃໝ່ເພື່ອສົ່ງເສີມການສ້າງເຄືອຂ່າຍທຸລະກິດລະຫວ່າງບໍລິສັດລາວ ແລະ ບໍລິສັດຕ່າງປະເທດ, ໂດຍສະເພາະແມ່ນບໍລິສັດຈາກຍີ່ປຸ່ນ.
ຜະລິດຕະພັນ ແລະ ການບໍລິການຈາກບໍລິສັດທີ່ມີຊື່ສຽງແມ່ນຈະຖືກນໍາມາວາງສະແດງ, ເຊິ່ງຈະເປັນການສ້າງພື້ນທີ່ສໍາລັບການເຊື່ອມຕໍ່, ການຮ່ວມມື ແລະ ການແລກປ່ຽນ.
ຂາຍປຶ້ມແບບຮຽນພາສາຍີ່ປຸ່ນ
ພວກເຮົາມີປຶ້ມແບບຮຽນມິນນະໂນະນິຮົງໂກະທັງເຫຼັ້ມ 1&2
ປຶ້ມແບບຮຽນ I = 110,000 ກີບ
ປຶ້ມໄວຍາກອນ I = 90,000 ກີບ
ປຶ້ມແບບຮຽນ II = 85,000 ກີບ
ປຶ້ມໄວຍາກອນ II = 90,000 ກີບ
ແນະນໍາອົງກອນພາຍນອກທີ່ຕັ້ງຢູ່ໃນ ສລຍ
ຫ້ອງການໂອເຈັກລາວ (OJEIC)
OJEIC (ສູນຂໍ້ມູນການສຶກສາຂອງຍີ່ປຸ່ນ ມະຫາວິທະຍາໄລໂອະກະຍາມະ) ແມ່ນສູນທີ່ສົ່ງເສີມການສຶກສາຕໍ່ທີ່ປະເທດຍີ່ປຸ່ນ ໃຫ້ນັກສຶກສາໃນອາຊຽນ ໂດຍມະຫາວິທະຍາໄລໂອະກະຍາມະ ເຊິ່ງເປັນສ່ວນໜຶ່ງຂອງໂຄງການຂອງກະຊວງສຶກສາທິການ, ວັດທະນະທຳ, ກິລາ, ວິທະຍາສາດ ແລະ ເຕັກໂນໂລຊີ (MEXT) ຂອງລັດຖະບານຍີ່ປຸ່ນ. ຫ້ອງການປະຈຳລາວໃຫ້ຄຳປຶກສາສ່ວນບຸກຄົນ ແລະ ຈັດກິດຈະກຳຕ່າງໆກ່ຽວກັບປະເທດຍີ່ປຸ່ນ, ບັນດາມະຫາວິທະຍາໄລ ແລະ ທຶນການສຶກສາໃນຍີ່ປຸ່ນ, ພ້ອມທັງໃຫ້ຂໍ້ມູນທີ່ຄົບຖ້ວນກ່ຽວກັບການສຶກສາຕໍ່ທີ່ປະເທດຍີ່ປຸ່ນ.
ຫ້ອງຮຽນກັກເກັນ ສາຂາດົງໂດກ
Gakken Classroom ເປັນໂຮງຮຽນກວດກາວິຊາເລກຈາກຍີ່ປຸ່ນທີ່ໄດ້ເລີ່ມເປີດການຮຽນ-ການສອນຢູ່ສູນ LJI ໃນປີ 2025.
ເປົ້າໝາຍຂອງ Gakken Classroom ແມ່ນເພື່ອຊ່ວຍໃຫ້ເດັກນ້ອຍທີ່ມີອາຍຸ 5-11 ປີ ພັດທະນາທັກສະທາງຄະນິດສາດ ໂດຍໃຊ້ຫຼັກສູດ ແລະ ອຸປະກອນການສອນທີ່ພັດທະນາຂຶ້ນໃນປະເທດຍີ່ປຸ່ນ. ພວກເຮົາຍັງໄດ້ເນັ້ນໜັກເຖິງການປູກຝັງ “ທັກສະການຮຽນຮູ້ດ້ວຍຕົນເອງ” ແລະ “ທັກສະການຄິດແບບມີເຫດຜົນ” ເຊິ່ງສາມາດນຳໄປໃຊ້ໄດ້ກັບວິຊາອື່ນໆນອກເໜືອຈາກຄະນິດສາດ ແລະ ທັກສະຊີວິດໃນຫຼາຍໆດ້ານ. Gakken Classroom ຍັງໃຫ້ຄຳໝັ້ນສັນຍາທີ່ຈະປູກຝັງມາລະຍາດທີ່ດີໃຫ້ກັບເດັກນ້ອຍຜ່ານການສຶກສາ “ໂທກຸອິກຸ (Tokuiku)” ທີ່ເປັນເອກະລັກຂອງຕົນ.