ຫຼັກສູດພາສາຍີ່ປຸ່ນ
ຫຼັກສູດພາສາຍີ່ປຸ່ນໄດ້ຖືກຈັດຂຶ້ນເພື່ອຕອບສະໜອງຕໍ່ຄວາມຕ້ອງການຮຽນພາສາຍີ່ປຸ່ນທີ່ເພີ່ມຂຶ້ນຫຼາຍໃນ ສປປ ລາວ. ໃນປີ 2012 ມູນນິທິຍີ່ປຸ່ນໄດ້ເລີ່ມໃຫ້ການສະໜັບສະໜູນຫຼັກສູດພາສາຍີ່ປຸ່ນຂອງ ສລຍ.
ຫຼັກສູດພາສາຍີ່ປຸ່ນມາດຕະຖານຈະຮຽນ 2 ຊົ່ວໂມງຕໍ່ຄັ້ງ ແລະໃນແຕ່ລະພາກຮຽນໃຊ້ໄລຍະເວລາ 4.5 ເດືອນ ຫຼື 18 ອາທິດ. ລະດັບຕົ້ນ (B1-BS3) ຈະໃຊ້ເວລາຮຽນຈົບພາຍໃນ 3 ປີ. ສໍາລັບຜູ້ທີ່ຕ້ອງການພັດທະນາຄວາມສາມາດໃຫ້ສູງຂຶ້ນ ແນະນໍາໃຫ້ຮຽນຕໍ່ລະດັບກາງ (In1-In3) ເປັນໄລຍະ 1 ປີ.
ມີໂອກາດຫຼາຍຢ່າງ ເຊັ່ນ ການສຶກສາຕໍ່ທີ່ປະເທດຍີ່ປຸ່ນ, ການເດີນທາງສຶກສາ, ທຶນການສຶກສາສໍາລັບນັກຮຽນທີ່ໄດ້ຄະແນນສູງ. ນອກຈາກນັ້ນ, ຫຼັກສູດພາສາຍີ່ປຸ່ນຍັງມີຫຼັກສູດພັກແລ້ງສໍາລັບນັກຮຽນ ແລະຫຼັກສູດພິເສດສໍາລັບບໍລິສັດ.
ຫຼັກສູດປົກກະຕິ
# ຄໍາທັກທາຍ ແລະ ການແນະນໍາຕົນເອງ
# ຮູ້ວັດທະນາທໍາ ແລະ ສົນທະນາກ່ຽວກັບຫົວຂໍ້ໃກ້ຕົວ
# ອ່ານ-ຂຽນຕົວອັກສອນຄັນຈິໄດ້ປະມານ 100 ໂຕ
# ຈັດແຈງຮູບປະໂຫຍກລະດັບຕົ້ນ ແລະ ເພີ່ມທັກສະການນໍາໃຊ້
# ເພີ່ມທັກສະການອ່ານ, ການຟັງເພື່ອກຽມສໍາລັບການຮຽນລະດັບກາງ
# ອ່ານ-ຂຽນຕົວອັກສອນຄັນຈິໄດ້ປະມານ 350 ໂຕ
# ຮຽນວິທີອະທິບາຍກ່ຽວກັບຄວາມຮູ້ສຶກ, ຄໍາເຫັນ, ຄວາມຕ້ອງການ ແລະ ປະສົບການຕ່າງໆ
# ຮຽນວິທີການສົນທະນາໃຫ້ເໝາະສົມກັບແຕ່ລະສະຖານະການ
# ອ່ານ-ຂຽນຕົວອັກສອນຄັນຈິໄດ້ປະມານ 300 ໂຕ
# ສາມາດສົນທະນາກ່ຽວກັບຫົວຂໍ້ທົ່ວໄປໃນສັງຄົມ
# ສາມາດຮັບຮູ້ຂໍ້ມູນໄດ້ຈາກການຟັງ ແລະ ອ່ານ
# ອ່ານ-ຂຽນຕົວອັກສອນຄັນຈິໄດ້ປະມານ 100 ໂຕ
ແນະນໍາຫຼັກສູດເລີ່ມຕົ້ນ
ສໍາລັບຜູ້ທີ່ບໍ່ເຄີຍຮຽນພາສາຍີ່ປຸ່ນມາກ່ອນ ເນື້ອໃນແມ່ນອ່ານຂຽນຕົວອັກສອນຮິລະງະນະ, ຄະຕະກະນະ ແລະ ບົດສົນທະນາງ່າຍໆ ໃນຊີວິດປະຈໍາວັນ. ພາຍຫຼັງຮຽນຈົບຫຼັກສູດນີ້ສາມາດສືບຕໍ່ເຂົ້າຮຽນຫຼັກສູດປົກກະຕິໄດ້ທັນທີ
ຫຼັກສູດພິເສດ
ຫຼັກສູດພັກແລ້ງ
ລະຫວ່າງເດືອນ 7-8, ສລຍ ສະໜອງຫຼັກສູດພາສາຍີ່ປຸ່ນ ແລະ ແລກປ່ຽນວັດທະນະທໍາໃຫ້ກັບນັກຮຽນມັດທະຍົມ
ຫຼັກສູດຈັດຕາມຄວາມຕ້ອງການ
ສລຍ ສະໜອງຫຼັກສູດຮຽນພາສາຍີ່ປຸ່ນທີ່ຜູ້ຕ້ອງການຮຽນສາມາດອອກແບບຫຼັກສູດເອງໄດ້ ເພື່ອເນັ້ນເນື້ອຫາການຮຽນທີ່ສະເພາະເຈາະຈົງ ຖືກຕ້ອງກັບຈໍານວນ ແລະ ງົບປະມານ, ເຊິ່ງສາມາດຮຽນທີ່ ສລຍ ຫຼື ສະຖານທີ່ທາງນອກ
ງານແຂ່ງຂັນເວົ້າພາສາຍີ່ປຸ່ນ
ແຕ່ລະປີ, ນັກຮຽນທີ່ມີຄວາມສົນໃຈແຂ່ງຂັນເວົ້າພາສາຍີ່ປຸ່ນ ສາມາດສະໝັກເປັນຕົວແທນຂອງ ສລຍ ເຂົ້າຮ່ວມການແຂ່ງຂັນ. ຜູ້ຊະນະເລີດລະດັບກາງຈະໄດ້ເປັນຕົວແທນລະດັບຊາດ ເດີນທາງໄປຍີ່ປຸ່ນເພື່ອເຂົ້າຮ່ວມແຂ່ງເວົ້າພາສາຍີ່ປຸ່ນກັບຕົວແທນຈາກປະເທດຕ່າງໆໃນອາຊຽນ
ພົບກັບອາຈານສອນພາສາຍີ່ປຸ່ນປະສົບການສູງ
