ຄວາມຮູ້ຖືກນິຍາມວ່າແມ່ນຂະບວນການທາງດ້ານສັງຄົມທີ່ມີການເຄື່ອນເໜັງຕະຫຼອດເວລາເພື່ອຢັ້ງ ຢືນຄວາມເຊື່ອສ່ວນບຸກຄົນໄປສູ່ຄວາມຈິງ, ຄວາມດີ ແລະ ຄວາມງາມ, ແລະ ຄວາມຮູ້ແມ່ນຄົນ ເປັນຜູ້ສ້າງຂຶ້ນໂດຍຜ່ານການພົວພັນຊຶ່ງກັນແລະກັນ  ໃນສະພາບແວດລ້ອມໃດໜຶ່ງທີ່ແນ່ນອນ; ຄວາມຮູ້ມີເປົ້າໝາຍທາງສັງຄົມໃນການນຳພາບໍລິສັດໃຫ້ດຳເນີນສິ່ງທີ່ດີ, ຖືກຕ້ອງ ແລະ ເປັນ ທຳສຳລັບທັງບໍລິສັດ/ອົງກອນ ແລະ ສັງຄົມ. ການບໍລິຫານຄວາມຮູ້ ແມ່ນການບໍລິຫານສຳລັບ ການຮວບຮວມ, ສະສົມ, ນຳໃຊ້ ແລະ ປະດິດສ້າງຄວາມຮູ້ ແນໃສ່ສ້າງວັດທະນະທຳການຮຽນ ຮູ້ພາຍໃນບໍລິສັດ/ອົງກອນ ແລະ ເຮັດໃຫ້ບໍລິສັດ/ອົງກອນສາມາດປັບປຸງປະສິດທິພາຍການດຳ ເນີນງານແລະເຕີບໂຕຂຶ້ນເທື່ອລະກ້າວ. ໃນຫຼັກສູດນີ້ ຜູ້ເຂົ້າຮ່ວມຈະໄດ້ຮຽນຮູ້ບັນດາຫົວຂໍ້ລຸ່ມນີ້: • ຄວາມໝາຍ-ຄວາມສຳຄັນຂອງການບໍລິຫານຄວາມຮູ້ຕິດພັນກັບການເພີ່ມປະສິດຕິພາບຂອງ ອົງກອນ.
• ການກຳນົດຄວາມຮູ້ທີ່ຈຳເປັນຕ້ອງຮວບຮວມ ແລະ ວິທີຮວບຮວມຄວາມຮູ້ດັ່ງກ່າວ.
• ວິທີນຳໃຊ້ຄວາມຮູ້ທີ່ສະສົມມາໄວ້ແລ້ວ ແລະ ການສ້າງຄວາມຮູ້ໃໝ່.
• ວົງຈອນການບໍລິຫານ ຄວາມຮູ້ແລະການສະສົມຄວາມຮູ້ໃນສະພາບແວດລ້ອມການດຳເນີນ ທຸລະກິດທີ່ເຮັດໃຫ້ບໍລິສັດ/ອົງກອນມີປະສິດທິພາບແລະເຕີບໂຕຢ່າງຕໍ່ເນື່ອງ.
ການດຳເນີນຫຼັກສູດນີ້ຈະມີການປະສົມປະສານລະຫວ່າງການບັນຍາຍ, ການຄົ້ນຄວ້າເປັນກຸ່ມ ແລະ ການນຳສະເໜີຜົນການຄົ້ນຄວ້າ ໂດຍອີງໃສ່ທິດສະດີ ແລະ ກໍລະນີສຶກສາທີ່ນຳໃຊ້ ຢູ່ໃນຫຼັກສູດ.