Laos-Japan Institute  |   ສະຖາບັນລາວ-ຍີ່ປຸ່ນ    |    ラオス日本センター

ສຳເລັດລົງເປັນທີ່ຮຽບຮ້ອຍກັບການແຂ່ງຂັນແຜນທຸລະກິດປະຈຳປີ 2019, ເຊິ່ງເປັນການຮ່ວມມືກັນລະຫວ່າງ ສະຖາບັນ ລາວ-ຍີ່ປຸ່ນ, ທະນາຄານພັດທະນາລາວ ແລະ ອົງການໄຈກາ ໄດ້ຈັດກິດຈະກຳນີ້ຂຶ້ນ ໂດຍການເປັນ ປະທານເປີດພິທີໂດຍ ທ່ານ ສຈ. ປອ ສົມສີ ຍໍພັນໄຊ ອະທິການບໍດີ ມະຫາວິທະຍາໄລແຫ່ງຊາດ ເຊິ່ງທ່ານກໍ່ໄດ້ເນັ້ນເຖິງຄວາມສຳຄັນຂອງການຈັດການແຂ່ງຂັນແຜນທຸລະກິດໃນຄັ້ງນີ້ ຈຸດປະສົງຫຼັກໆ ກໍ່ເພື່ອສົ່ງເສີມທຸລະກິດຂະໜາດນ້ອຍ ຫຼື ທຸລະກິດທີ່ກຳລັງຈະລິເລີ່ມໃຫ້ປາກົດຜົນເປັນຈິງໃນອະນາຄົດ ນອກນັ້ນ ທ່ານ ຮສ. ປອ ບຸນລ້ວນ ດ້ວງເງິນ ຜູ້ອຳນວຍການ ສະຖາບັນ ລາວ-ຍີ່ປຸ່ນກໍ່ໄດ້ອະທິບາຍກະຕິກາ ແລະ ສິ່ງທີ່ນັກແຂ່ງຂັນທຸກທ່ານຕ້ອງເອົາໃຈໃສ່ໃນການນຳສະເໜີແຜນທຸລະກິດຂອງຕົນເອງ, ການແຂ່ງຂັນໄດ້ດຳເນີນຕັ້ງແຕ່ຕອນເຊົ້າຂອງວັນທີ 14/06/2019 ແລະ ໄດ້ສຳເລັດລົງໃນຕອນບ່າຍ. ຜູ້ທີ່ໄດ້ຮັບລາງວັນທີ 1 ກໍ່ຄື ທ່ານ ນາງ ສຸກຖາບອນ ວົງສະຫວັນ ເຊິ່ງໄດ້ຮັບລາວວັນເປັນເງິນຈຳນວນ 4,000,000 ກີບຈາກສະຖາບັນ ລາວ-ຍີ່ປຸ່ນ ແລະ 1 ລ້ານກີບຈາກ ທະນາຄານພັດທະນາລາວ ພ້ອມທັນຂັນລາງວັນ ແລະ ໃບຢັ້ງຢືນ, ນອກນັ້ນກໍ່ຍັງມີທີ 2 ແລະ ທີ 3 ໄດ້ຮັບເງິນລາງວັນຄົນລະ 1,000,000 ຈາກທະນາຄານພັດທະນາລາວ.

The 4th Retreat meeting of Lao-Japan Human Resource Development Institute was held on June 7-9, 2019 at Nam Theun hydropower 2, Nakai, Khammuan Province. Honor President of the Conference by Assoc. Prof. Dr. Houngphet Chanthavong, Vice President of the National University. Under the theme of "Towards meeting new LJI vision: LJI grows along with society expansion".
During the conference, there were discussions and achievements that each division could take in the past one year to show that your division has grown along with society’s expansion, identifying the strengths and opportunities that each department will promote and use to contribute more to society. In addition to the meeting, Nam Theun welcomed the warming team with advice on things that the company has been working on, visiting the power plant, drainage bar from dams at various points.
On the evening of June 8, 2019, the football friendly match between the LJI staff and the Nam Theun team to strengthen the relationship. During the journey with the crew, we worshiped the Blessed at Sikhodtabong temple a sacred place in the town of Khammouan.

ເທດສະການສົ່ງເສີ່ມການພັດທະນານັກທຸລະກິດລາວ
LAO ENTREPRENEURSHIP DAY 2019
ວັນທີ: 24/05/2019, ເວລາ: 8:00-16:00 ໂມງ
ສະຖານທີ່/venue:ສະໂມສອນໃຫຍ່ຂອງມະຫາວິທະຍາໄລແຫ່ງຊາດ
The Main Hall of the National University of Laos
ສິ່ງທີ່ທ່ານຈະໄດ້ຈາກງານນີ້: - ໂອກາດໃນການເຂົ້າຫາແຫ່ຼງທືນກັບທະນາຄານຕ່າງໆ
- ປຶກສາ ແລະ ຮຽນຮູ້ການສ້າງແຜນທຸລະກິດ
- ໂອກາດໃນການແລກປ່ຽນບົດຮຽນ ແລະ ຈັບຄູ່ທຸລະກິດ
ຄ່າລົງທະບຽນ
- ນັກສຶກສາ 20,000 ກີບ/ຄົນ
- ບຸກຄົນທົ່ວໄປ 50,000 ກີບ/ຄົນ
ສອບຖາມຂໍ້ມູນໂທ: 021 720156

ເທດສະການສົ່ງເສີມການພັດທະນານັກທຸລະກິດລາວ ຈັດຂຶ້ນໃນວັນທີ 25 ພຶດສະພາ 2019 ຢູ່ທີ່ສະໂມສອນໃຫຍ່ຂອງມະຫາວິທະຍາໄລແຫ່ງຊາດ. ໃຫ້ກຽດເປັນປະທານກ່າວເປີດງານໂດຍ ທ່ານ ສຈ. ປອ. ສົມສີ ຍໍພັນໄຊ, ອະທິການບໍດີ ມະຫາວິທະຍາໄລແຫ່ງຊາດ.

ເທດສະການດັ່ງກ່າວແມ່ນຖືກຈັດຂຶ້ນເປັນຄັ້ງທໍາອິດໃນ ສປປ ລາວ ໂດຍໄດ້ຮັບການສະໜັບສະໜຸນຈາກອົງການແຮງງານສາກົນ (International Labor Organization) ຮ່ວມມືກັບມະຫາວິທະຍາໄລແຫ່ງຊາດ, ກົມສົ່ງເສີມວິສາຫະກິດຂະໜາດນ້ອຍ ແລະ ກາງ, ສະພາການຄ້າ ແລະ ອຸດສາຫະກໍາແຫ່ງຊາດ, ແລະ ສະຖາບັນພັດທະນາຊັບພະຍາກອນມະນຸດ ລາວຍີ່ປຸ່ນ.

ເປົ້າໝາຍຂອງກິດຈະກໍາແມ່ນເພື່ອສົ່ງເສີມ ແລະ ເສີມສ້າງຄວາມເຂົ້າໃຈກ່ຽວກັບການພັດທະນາແຜນທຸລະກິດ ເພື່ອກ້າວໄປເຖິງການເຂົ້າຫາແຫຼ່ງກູ້ຢືມທຶນທີ່ງ່າຍຂຶ້ນໃຫ້ແກ່ຜູ້ທີ່ມາເຂົ້າຮ່ວມງານ. ເຊິ່ງມີຈໍານວນຜູ້ເຂົ້າຮ່ວມເກືອບ 200 ຄົນ ປະກອບໄປດ້ວຍບັນດານັກທຸລະກິດ, ພະນັກງານລັດ, ພະນັກງານເອກະຊົນ ແລະ ນ້ອງໆ ນັກສຶກສາ. ນອກຈາກນີ້້ຍັງມີບໍລິສັດ ແລະ ທະນາຄານມາຈັດບູດວາງສະແດງສິນຄ້າ ຊ່ວຍເພີ່ມສີສັນຂອງງານຫຼາຍຂຶ້ນ.

ກິດຈະກໍາດໍາເນີນໄປຢ່າງຟົດຟື້ນດ້ວຍການເຮັດກິດຈະກໍາເປັນກຸ່ມ ໃນການສ້າງແຜນທຸລະກິດ, ສົນທະນາແລກປ່ຽນຄວາມຄິດພາຍໃນກຸ່ມ, ຮວບ ຮວມໄອເດຍ ແລະ ນໍາສະເໜີແຜນທຸລະກິດ.

ວັນເສົາ ທີ 6 ເມສາ 2019 ທີ່ຜ່ານມາ ນັກສຶກສາປະລິນຍາໂທ ສາຂາບໍລິຫານທຸລະກິດ ຮຸ່ນທີ 11 ຂອງ ສະຖາບັນລາວ-ຍີ່ປຸ່ນ ໄດ້ຈັດກິດຈະກໍາຊ່ວຍເຫຼືອສັງຄົມຂຶ້ນ ໂດຍການລະດົມເງິນກັນພາຍໃນຫ້ອງເພື່ອນໍາໄປຊື້ອຸປະກອນການສຶກສາ ແລະ ເຄື່ອງກິລາຕ່າງໆ ລວມມູນຄ່າ 6,383,000 ກີບ ແລ້ວນໍາໄປມອບໃຫ້ແກ່ ໂຮງຮຽນປະຖົມສົມບູນພູເຂົາຄວາຍ ເມືອງທຸລະຄົມ ແຂວງວຽງຈັນ. ການຈັດກິດຈະກໍາໃນຄັ້ງນີ້ແມ່ນນໍາພາໂດຍ ຮສ. ປອ. ບຸນລ້ວນ ດ້ວງເງິນ ຜູ້ອໍານວຍການສະຖາບັນລາວ-ຍີ່ປຸ່ນ ພ້ອມດ້ວຍຄູ-ອາຈານ ແລະ ນັກສຶກສາ ປ. ໂທ ຈໍານວນ 27 ຄົນ. ນອກຈາກການມອບເຄື່ອງອຸປະກອນການຮຽນແລ້ວ ຍັງໄດ້ມີການແຈກເຂົ້າໜົມໃຫ້ແກ່ນ້ອງນ້ອຍນັກຮຽນ ແລະ ການຫຼິ້ນກິລາເປຕັງລະຫວ່າງນັກສຶກສາ ປ. ໂທ ກັບ ຄູໂຮງຮຽນດັ່ງກ່າວ ອີກດ້ວຍ.