ສະຖາບັນລາວ-ຍີ່ປຸ່ນ     |    Laos-Japan Institute   |   ラオス日本センター

ໃນຕອນເຊົ້າ ວັນທີ 13 ມັງກອນ 2019 ຜ່ານມານີ້, ສະຖາບັນພັດທະນາຊັບພະຍາກອນມະນຸດລາວ-ຍີ່ປຸ່ນ ມະຫາວິທະຍາໄລແຫ່ງຊາດ ໄດ້ຈັດກິດຈະກຳສະເຫຼີມສະຫຼອງບຸນປີໃໝ່ຍີ່ປຸ່ນ ປະຈຳປີ 2019 ທີ່ເດີນດ້ານໜ້າສະຖາບັນຕົນ, ໂດຍການເຂົ້າຮ່ວມຂອງທ່ານ ຮສ. ປອ. ພຸດ ສິມມາລາວົງ ຮອງອະທິການບໍດີ ມະຫາວິທະຍາໄລແຫ່ງຊາດ, ທ່ານ ກາຊູຮິໂຣະ ກູໂນະ (Kazuhiro KUNO) ອຸປະທູດຍີ່ປຸ່ນ ປະຈຳ ສປປ ລາວ, ທ່ານ ຊະກູໂດ ຮອງຫົວໜ້າອົງການ JICA ປະຈໍາ ສປປ ລາວ, ຜູ້ອໍານວຍການ-ຮອງອໍານວຍການສະຖາບັນ ພັດທະນາຊັບພະຍາກອນມະນຸດລາວ-ຍີ່ປຸ່ນ, ຫົວໜ້າຫ້ອງການ, ບັນດາແຂກທີ່ຖືກເຊີນ, ພະນັກງານ-ຄູອາຈານ ແລະນັກສຶກສາເຂົ້າຮ່ວມ.

          ໂອກາດນີ້, ທ່ານ ຮສ. ປອ. ພຸດ ສິມມາລາວົງ ກໍໄດ້ຂຶ້ນກ່າວເປີດພິທີວ່າ: ການຈັດງານສະເຫຼີມສະຫຼອງບຸນປີໃໝ່ຍີ່ປຸ່ນ ປະຈຳປີ 2019 ແມ່ນຈັັດໂດຍສະຖາບັນ ພັດທະນາຊັບພະຍາກອນມະນຸດລາວ-ຍີ່ປຸ່ນ ແລະໄດ້ຮັບການສະໜັບສະໜູນຈາກ ອົງການ JICA ແລະອົງການ JF ກໍຄືສະຖານເອກອັກຄະລັດຖະທູດຍີ່ປຸ່ນ ປະຈຳ ສປປ ລາວ, ມີຈຸດປະສົງເພື່ອສົ່ງເສີມການແລກປ່ຽນວັດທະນະທຳລະຫວ່າງ 2 ປະເທດ ແລະເພື່ອພັດທະນາຊັບພະຍາກອນມະນຸດໃຫ້ມີຄວາມຮູ້ທາງດ້ານທິດສະດີຕິດພັນກັບຕົວຈິງ ເຮັດໜ້າທີ່ໃນການຄົ້ນຄວ້າວິທະຍາສາດທີ່ສາມາດນຳໃຊ້ເຂົ້າໃນການພັດທະນາເສດຖະກິດ-ສັງຄົມ ຂອງ ສປປ ລາວ ເວົ້າລວມ; ເວົ້າສະເພາະ ກໍແມ່ນການພັດທະນາຄວາມເຂັ້ມແຂງຂອງພາກທຸລະກິດຂອງລາວ.

          ນອກນັ້ນ, ພາຍໃນງານບັນດາແຂກທີ່ເຂົ້າຮ່ວມຍັງໄດ້ຮັບຊົມການສະແດງສິລະປະຂອງນັກສຶກສາ, ອາຈານອາສາສະໝັກຈາກປະເທດຍີ່ປຸ່ນ, ການຫຼີ້ນກີລາອາກິໂດ, ການເດີນແບບຂອງນັກສຶກສາປະລິນຍາໂທ ແລະການຟ້ອນ, ຮ້ອງເພງ, ເຕັ້ນ ຂອງນັກສຶກສາທີ່ຮຽນພາສາຍີ່ປຸ່ນ ທີ່ສະຖາບັນພັດທະນາຊັບພະຍາກອນມະນຸດລາວ-ຍີ່ປຸ່ນ, ພິເສດສຳລັບການຈັດງານໃນປີນີ້ ຍັງມີການວາງສະແດງສິນຄ້າ, ຜະລິດຕະພັນ ຈາກບໍລິສັດຕ່າງໆຂອງປະເທດຢີ່ປຸ່ນ.

More Release News

  • Lao-Cambodian Women Entrepreneurship Seminar

  • LBD and LJI signed MOU

  • SME ການເຂົ້າເຖິງແຫຼ່ງທຶນ

  • ການບໍລິຫານຄວາມຮູ້ຂອງອົງກອນພາກລັດ ຢູ່ ສປປ ລາວ.