ສະຖາບັນລາວ-ຍີ່ປຸ່ນ     |    Laos-Japan Institute   |   ラオス日本センター

00

ໃນຕອນເຊົ້າ ວັນທີ 10 ກັນຍາ 2018 ນີ້, ສະຖາບັນພັດທະນາຊັບພະຍາກອນມະນຸດ ລາວ-ຢີ່ປຸ່ນ (ສລຍ) ໄດ້ຈັດພິທີສະຫຼຸບຜົນງານການສຶກສາປະຈຳສົກສຶກສາ 2017-2018 ແລະຜ່ານແຜນການສຶກສາ 208-2019 ທີ່ສະຖາບັນພັດທະນາຊັບພະຍາກອນມະນຸດ ລາວ-ຢີ່ປຸ່ນ, ໂດຍການເປັນປະທານຂອງທ່ານ ສຈ .ປອ. ສົມສີ ຍໍພັນໄຊ ວ່າການອະທິການບໍດີ ມະຫາວິທະຍາໄລແຫ່ງຊາດ ແລະທ່ານ ຮສ. ປອ. ບຸນລ້ວນ ດ້ວງເງິນ ຜູ້ອຳນວຍການສະຖາບັນພັດທະນາຊັບພະຍາກອນມະນຸດ ລາວ-ຢີ່ປຸ່ນ, ມີຜູ້ຕາງໜ້າຈາກອົງການໄຈກ້າປະຈຳ ສປປ ລາວ, ແຂກຖືກເຊີນ, ພະນັກງານຄູ-ອາຈານ ແລະນັກສຶກສາ ເຂົ້າຮ່ວມ.

          ໃນໂອກາດດັ່ງກ່າວ, ທ່ານ ຮສ. ປອ. ບຸນລ້ວນ ດ້ວງເງິນ ກໍໄດ້ຂຶ້ນຜ່ານບົດສະຫຼຸບສະພາບລວມປະຈຳສົກສຶກສາທີ່ຜ່ານມາວ່າ: ສະຖາບັນພັດທະນາຊັບພະຍາກອນມະນຸດ ລາວ-ຢີ່ປຸ່ນ ໄດ້ສ້າງຕັ້ງຂຶ້ນໃນວັນທີ 4 ເດືອນ ພຶດສະພາ 2001 ເຊິ່ງໃນເບື້ອງຕົ້ນແມ່ນສູນຮ່ວມມື ລາວ-ຢີ່ປຸ່ນ ແລະໃນວັນທີ 20 ພຶດສະພາ 2010 ໄດ້ຍົກສະຖານະບົດບາດມາເປັນສະຖາບັນພັດທະນາຊັບພະຍາກອນມະນຸດ ລາວ-ຢີ່ປຸ່ນ ໂດຍແມ່ນໂຄງການຮ່ວມມືລະຫວ່າງລັດຖະບານ ສປປ ລາວ (ມະຫາວິທະຍາໄລແຫ່ງຊາດ) ແລະລັດຖະບານຢີ່ປຸ່ນ (ອົງການໄຈກາ) ມີບົດບາດທຽບເທົ່າກັບຄະນະວິຊາທີ່ຂຶ້ນກັບ ມະຫາວິທະຍາໄລແຫ່ງຊາດ, ມີໜ້າທີ່ກໍ່ສ້າງ-ພັດທະນາຊັບພະຍາກອນມະນຸດ ກໍຄືການຕອບສະໜອງທາງດ້ານວິຊາການໃຫ້ແກ່ການພັດທະນາຂະແໜງຕ່າງໆ ໂດຍຜ່ານຫຼັກສູດຕ່າງໆ ໃນການພັດທະນາຊັບພະຍາກອນມະນຸດ, ດຳເນີນການຈັດພີມເຜີຍແຜ່ຜົນການຄົ້ນຄວ້າວິທະຍາສາດ ພ້ອມທັງສົ່ງເສີມແລກປ່ຽນສິລະປະວັດທະນະທຳ ແລະແລກປ່ຽນວິຊາການ ລະຫວ່າງ ສປປ ລາວ ແລະປະເທດຢີ່ປຸ່ນ. ໃນປັດຈຸບັນສະຖາບັນໄດ້ເປີດການຮຽນ-ການສອນ ພາສາຢີ່ປຸ່ນ, ການຝຶກອົບຮົມໄລຍະສັ້ນໃນຫົວຂໍ້ຕ່າງໆ ແລະເປີດສອນລະດັບປະລິນຍາໂທສາຂາ ບໍລິຫານທຸລະກິດ; ໃນສົກສຶກສາ 2017-2018ນີ້ ມີນັກສຶກສາທີ່ສຳເລັດການສຶກສາລະດັບປະລິນຍາໂທສາຂາ ບໍລິຫານທຸລະກິດ ທັງໝົດ 33 ຄົນ ຍິງ 15 ຄົນ, ມີນັກສຶກສາທີ່ມີຜົນການຮຽນດີ ໄດ້ຮັບໃບຍ້ອງຍໍຈຳນວນ 13 ຄົນ ຍິງ 9 ຄົນ.

          ໂອກາດດຽວກັນ, ທ່ານ ສຈ. ປອ. ສົມສີ ຍໍພັນໄຊ ກໍໄດ້ເນັ້ນໜັກ ແລະໃຫ້ທິດທາງໃນການສ້າງ ແລະພັດທະນາຫຼັກສູດການຮຽນ-ການສອນ ໃຫ້ມີຄວາມເຂັ້ມເທົ່າທຽມກັບພາກພື້ນ ແລະສາກົນ ຍິ່ງໆຂຶ້ນໄປ.

More Release News

  • ເປີດຫຼັກສູດຝຶກອົບຮົມຜູ້ບໍລິຫານລະດັບສູງ ຮຸ່ນທີ 2

  • ເປີດຫຼັກສູດພັດທະນາຜູ້ປະກອບກິດຈະການໃໝ່ ຮຸ່ນທີ 2

  • Training in Lao PDR for the first year of the 6th batch stduents of PhD Professional TORYUMON from Nagoya University

  • 8th Joint Coordination Committee Meeting