ສະຖາບັນລາວ-ຍີ່ປຸ່ນ     |    Laos-Japan Institute   |   ラオス日本センター

ຫ້ອງສະໝຸດເດັກດົງປ່າແຫຼບເລີ່ມເປີດບໍລິການແຕ່ປີ 2010 ເປັນຕົ້ນມາ. ມາເຖິງປີ 2018, ໄດ້ເລີ່ມເປີດຫ້ອງສະແດງທີ່ມີຊື່ວ່າ “Space D” ເຊິ່ງຈະວາງສະແດງກ່ຽວກັບ “ວິຖີຊີວິດຂອງຄົນລາວ”.

img024 2

ທໍາອິດ, ຈະວາງສະແດງຮູບ “ເດັກນ້ອຍກັບວຽກຢູ່ໃນຄອບຄົວ” ໂດຍ ທ່ານ ມາໂກໂຕະ ສິໂນະກິ ຄົນຍີ່ປຸ່ນ. ຢູ່ຍີ່ປຸ່ນທ່ານໄດ້ສອນເດັກນ້ອຍໃຫ້ຮູ້ຮັກທໍາມະຊາດ ແລະ ສາມາດຢູ່ກັບທໍາມະຊາດໄດ້, ພ້ອມທັງ ຖ່າຍຮູບເດັກນ້ອຍຕະຫຼອດເວລາ. ຮູບທີ່ຈະນໍາມາສະແດງໃນຄັ້ງນີ້, ແມ່ນຖ່າຍຢູ່ບ້ານເຜົ່າມົ້ງ ໃນແຂວຊຽງຂວາງ. ບ້ານນີ້ແມ່ນບ້ານທີ່ໄດ້ຮັບການສ້າງຫ້ອງສະໝຸດຂຶ້ນໃນປີ 2007. ໃນປີ 2012 ທ່ານສິໂນະກິ ໄດ້ໄປບ້ານດັ່ງກ່າວ ແລະ ເຫັນເດັກນ້ອຍມີບົດບາດ ແລະ ຮັບຜິດຊອບວຽກຂອງຕົນຢູ່ໃນຄອບຄົວ, ສິ່ງດັ່ງກ່າວເຮັດໃຫ້ລາວມີຄວາມປະທັບໃຈຫຼາຍ ແລະ ຖ່າຍຮູບເດັກນ້ອຍເຫຼົ່ານັ້ນໄວ້. ໃນປີ 2016 ທ່ານ ສິໂນະກິໄດ້ຈັດວາງສະແດງຮູບພາບຂອງເດັກນ້ອຍເຫຼົ່ານັ້ນ ຢູ່ທີ່ປະເທດຍີ່ປຸ່ນ, ເມື່ອວາງສະແດງແລ້ວໆ ທ່ານໄດ້ເອົາຮູບເຫຼົ່ານັ້ນໃຫ້ກັບຫ້ອງສະໝຸດເດັກດົງປ່າແຫຼບ ເພື່ອເອົາມາວາງສະແດງໃນຄັ້ງນີ້.

ຫ້ອງສະໝຸດເດັກດົງປ່າແຫຼບຂໍເຊີນທຸກທ່ານມາຊົມງານສະແດງຮູບພາບຢູ່ຫ້ອງ Space D, ພິທີເປີດວັນທີ 20/07/2018 ເວລາ 10:00 ເປັນຕົ້ນໄປ. ຮູບພາບຈະຖືກວາງສະແດງໄປຈົນເຖິງເດືອນ 10/2018.


ກ່ຽວກັບຫ້ອງສະໝຸດ

+ ເປີດບໍລິການ

  • ຫ້ອງສະໝຸດ: ເສົາ-ອາທິດ 9:00-12:00 ແລະ 13:00-16:00
  • ຫ້ອງວາງສະແດງ Space D: ສຸກ, ເສົາ, ອາທິດ 9:00-12:00 ແລະ 13:00-16:00
  • ມີເຄື່ອງຫັດຖະກໍາຂອງເຜົ່າມົ້ງຈາກບ້ານສີວິໄລ, ເມືອງຫິນເຫີບ ໄວ້ຂາຍ

+ ລາຍການວາງສະແດງ

      “ເດັກນ້ອຍກັບວຽກຢູ່ໃນຄອບຄົວ”    7/2018 – 10/2018

      “ເມືອງລາວ ໃນປີ 1970”               11/2018 – 1/2019

      “ກະໂປ່ງ ຂອງ ເຜົ່າມົ້ງ”                   2/2019 – 4/2019

+ ຂໍ້ມູນຕິດຕໍ່

      020 96878886 (ທ. ນ້ອຍ, ລາວ)

      020 58081150 (Kiyoko: Japanese, English, Lao)

ສະຖານທີ່: ບ້ານ ດົງປ່າແຫຼບ, ໜ່ວຍ 41, ເມືອງຈັນທະບູລີ, ນະຄອນຫຼວງວຽງຈັນ.