ປະລິນຍາໂທ ບໍລິຫານທຸລະກິດ
ເວລາຮຽນ: ຈັນ - ສຸກ (ເວລາ 17:30 - 20:30)
ຄ່າຮຽນ: 28,600,000 ກີບ/2 ປີ.
ດ້ວຍການຮ່ວມມືກັນລະຫວ່າງສະຖາບັນ ລາວ-ຍີ່ປຸ່ນ ແລະ ຄະນະເສດຖະສາດ ແລະ ບໍລິຫານທຸລະກິດ, ຫຼັກສູດປະລິຍາໂທບໍລິຫານທຸລະກິດ ລະບົບ 2 ປີ ທີ່ສອນໂດຍຊ່ຽວຊານຍີ່ປຸ່ນ ແລະ ອາຈານລາວ ຈຶ່ງໄດ້ສ້າງຕັ້ງຂຶ້ນໃນປີ 2008 ຈົນມາເຖິງເດືອນ ຕຸລາ 2020 ມີນັກສຶກສາຈົບຈາກຫຼັກສູດນີ້ 390 ຄົນ. ຫຼັກສູດດັ່ງກ່າວມີເປົ້າໝາຍເພື່ອສ້າງບັນດິດທີ່ຄວາມຮູ້ທາງດ້ານທິດສະດີຄຽງຄູ່ກັບຄວາມສາມາດທີ່ປະຕິບັດຈິງໄດ້.
ຫຼັກສູດພັດທະນາທັກສະການບໍລິຫານສໍາລັບຜູ້ປະກອບການ
Keiei-juku Program
ຫຼັກສູດ“Keiei-juku”ແມ່ນຫຼັກສູດພັດທະນາທັກສະການບໍລິຫານສະເພາະດ້ານສຳລັບຜູ້ບໍລິຫານລະດັບສູງຂອງບໍລິສັດ. ຄຳວ່າ “Keiei-juku” ແມ່ນພາສາຍີ່ປຸ່ນ ທີ່ມີຄວາມໝາຍວ່າໂຮງຮຽນການບໍລິຫານ ສ້າງຂຶ້ນສຳລັບຜູ້ບໍລິຫານຂອງບໍລິສັດຍີ່ປຸ່ນ ຊຶ່ງການຮຽນ-ການສອນໃນໂຮງຮຽນດັ່ງກ່າວແມ່ນນັ້ນໃສ່ການຮຽນຮູ້ແລະການພັດທະນາດ້ວຍຕົນເອງຂອງປະທານແລະຜູ້ບໍລິຫານບໍລິສັດໂດຍມີການແນະນຳຢ່າງຄົບຖ້ວນຈາກຜູ້ຊ່ຽວຊານສະເພາະດ້ານ.
- ໄລຍະເວລາ: ຕຸລາ – ມີນາ (ຮຽນ 1 ອາທິດ ຕໍ່ ເດືອນ)
- ເວລາຮຽນ: ຈັນ - ສຸກ (9:00 – 17:00)
- ຄ່າຮຽນ: $2,000
ຫຼັກສູດທີ່ເນັ້ນການນໍາໄປໃຊ້ໃນຕົວຈິງ
● ການບໍລິການຫຼາຍຢ່າງ ແມ່ນສະໜອງໃຫ້ໂດຍອາຈານນານາຊາດທີ່ມີປະສົບການທາງທຸລະກິດຕົວຈິງ. ດັ່ງນັ້ນ, ເນື້ອໃນການບັນຍາຍທັງໝົດລວມ ເຖິງກໍລະນີຈາກທຸລະກິດຕົວຈິງ ແລະ ແບບຝຶກຫັດທີ່ຜູ້ເຂົ້າຮ່ວມສາມາດນໍາໃຊ້ສໍາລັບທຸລະກິດຂອງເຂົາເຈົ້າໄດ້ທັນທີຫຼັງຈາກການຝຶກອົບຮົມ.
● ສະຖາບັນ ລາວ-ຍີ່ປຸ່ນ ຍັງໃຫ້ບໍລິການໃຫ້ຄໍາປຶກສາແບບລົງມືປະຕິບັດເພື່ອສົ່ງເສີມຜູ້ເຂົ້າຮ່ວມນໍາຄວາມຮູ້ທີ່ໄດ້ຈາກການຝຶກອົບຮົມໄປໝູນໃຊ້ເຂົ້າ ໃນທຸລະກິດຕົວຈິງ. ນອກຈາກນັ້ນ, ອາດມີການສ້າງໂອກາດເຄືອຂ່າຍທາງທຸລະກິດ.
ຈຸດປະສົງຂອງຫຼັກສູດແມ່ນເພື່ອເສີມສ້າງຄວາມຮູ້ ແລະ ຄວາມສາມາດ້ານການບໍລິຫານທຸລະກິດ. ເປັນຫຼັກສູດສໍາລັບຜູ້ບໍລິຫານ, ພະນັກງານບໍລິສັດ, ເຈົ້າຂອງທຸລະກິດ ແລະ ພະນັກງານລັດ. ຫຼັກສູດບໍລິຫານທຸລະກິດໄລຍະສັ້ນ 2 ອາທິດ, ຝຶກອົບຮົມສາຂາບໍລິຫານທຸລະກິດສະເພາະດ້ານຕາມຄວມຕ້ອງການຂອງອົງກອນໃດໜຶ່ງເຊັ່ນ: ການຕະຫຼາດ, ການຈັດການທຸລະກິດ, ການວິເຄາະສະພາບແວດລ້ອມທາງທຸລະກິດ.
ປັດຈຸບັນພວກເຮົາເປີດຝຶກອົບຫຼັບສູດໄລຍະສັ້ນ 7 ຫຼັກສູດ
ການນຳໃຊ້ຊອບແວເຂົ້າໃນການວິໄຈ
ເທັກນິກການປ້ອນຂໍ້ມູນ ຫຼື Input ຂໍ້ມູນ, ການວິເຄາະຂໍ້ມູນໂດຍໃຊ້ສະຖິຕິອ້າງອີງ ເຊັ່ນ: ການທົດສອບສົມມຸດຖານT-test, F-test, Chi-Square,...ດ້ວຍໂປຣແກຣມ SPSS.
ທັກສະສຳຄັນສຳລັບຜູ້ນຳພາ ແລະ ຜູ້ບໍລິຫານຍຸກໃໝ່ • 4 ລະດັບການນຳພາ (ການນຳພາຕົນເອງ, ທີມງານ, ອົງກອນ ແລະ ສັງຄົມ) • ທຸກຄົນນຳຄວາມແຕກຕ່າງເຂົ້າສູ່ອົງກອນ • ຄວາມສະຫລາດທາງດ້ານອາລົມ
ການບໍລິການລູກຄ້າແບບຍີ່ປຸ່ນ
ຮຽນຮູ້ການບໍລິການດ້ວຍໃຈແບບຍີ່ປຸ່ນ ຝຶກທັກສະໃນການຕ້ອນຮັບ ແລະ ການບໍລິການລູກຄ້າດ້ວຍຄວາມໃສ່ໃຈ ຝຶກທັກສະການວາງແຜນການດໍາເນີນງານຂອງການບໍລິການ
ການບໍລິຫານຫ້ອງການຍຸກໃໝ່
ເພື່ອຊອກຫາແນວທາງໃຫ້ການບໍລິຫານວຽກງານຫ້ອງການໃຫ້ເກີດປະສິດທິພາບສູງສຸດ ແລະເຂົ້າໃຈເຖິງລະບົບໃນການຈັດການ ແລະບໍລິຫານຫ້ອງການ
ວິໄຈການຕະຫຼາດ
ກຽມຂໍ້ມູນສຳລັບໃຊ້ກັບໂປແກຣມສຳເລັດຮູບທາງສະຖິຕິ(ໂປຣແກຣມSPSS)ໄດ້, ພ້ອມດຽວກັນນັ້ນກໍ່ເພື່ອໃຫ້ສາມາດເລືອກໃຊ້ສະຖິຕິທີ່ຖືກຕ້ອງ ແລະ ເໝາະສົມສຳລັບການວິເຄາະຂໍ້ມູນໃນງານວິໄຈ
ການບໍລິຫານການປະຕິບັດງານ
ຮຽນຮູ້ເຖິງການຮຽນສູ່ຄວາມສໍາເລັດ, ກົນໄກການບໍລິຫານຈັດການທີ່ມີປະສິດຕິິພາບ, ການບໍລິຫານຜົນການປະຕິບັດງານຂອງຕົນ, ການບໍລິຫານເວລາ, ການບໍລິຫານແບບຍີ່ປຸ່ນ, ການປັບປຸງຢ່າງຕໍ່ເນື່ອງ (KAIZEN)
ພັດທະນາບຸກຂະລິກກະພາບສູ່ຄວາມສຳເລັດ
ຮູ້ຈັກວິທີການພັດທະນາບຸກຂະລິກກະພາບ ແລະ ເພີ່ມຄວາມມີສະເໜ່ໃຫ້ຕົນເອງ ໃນການເຮັດໃຫ້ເປົ້າໝາຍປະສົບຜົນສຳເລັດ, ອົດທົນມຸ່ງໝັ້ນ, ທຸ່ມເທ່, ຊ່ວຍເຫຼືອເພື່ອແຜ່, ມີຄວາມກະຕືລືລົ້ນ, ຮູ້ຈຸດແຂງ ແລະ ສິ່ງທີ່ຫຼົງໄຫຼ